News
Pomarancen bio
La butëiga dl mond de Gherdëina ie cuntënta de pudëi ve pité da sen inant nia me la bananes bio, ma nce i pomarancen bio.
Chisc pomarancen Tarocco vën dala cooperativa JOEL dala Calabria. Chësta cumbat per plu giustizia ti dajan da lauré i terac tëuc de reviers dala mafia a pitla cooperatives de andicapei o berstotes prutejedes.
----------
Liebe Mitglieder, sehr geehrte Freunde des Naturschutzes.
Nachfolgend ein interessanter Bericht über das Heliskiing auf der Marmolada.
http://www.mountainwilderness.de/?section=news&cmd=details&newsid=158
----------
7 Stëiles……
Son stac ala prejentazion dl proiet dl hotel sun Sochers che i ulëssa fé deventé da 7 stëiles. Chësc dassëssa ti fé n gran retlam a Gherdëina y fé uni adalerch cërta jënt de “lusso”. Dantaldut iel da udëi sce l giaperà 7 stëiles cassù ora dl mont, y sce la ne sarà nia nsci iel da avëi tema che l resta n grandiscim fabricoz che l ne sarà nia mesun mantenì. Po iel da se fé n pensier sun l turism che dsera ite la jënt ti hotiei (de chisc ghetti ne on bel assé te Gherdëina) y ne porta cuncretamenter nia scialdi ala jënt da tlo. Te hotel ti vëniel pità dut, y ne à nianca plu drë de se cumpré n flucion o jì a se bever zeche. Da laude iel che l vën cialà de curi na pert dl’energia cun energies renovables. Pur mpo ie la pert che resta da sciaude a gas na strambaria cun chëla gran cubatura y nudadoies dedite y dedora, nce sce l dëssa devënte na cësa tlima A. Do nosc ntënder y sentimënt ne n’ iel eticamenter nia drët pité dut chësc lusso cun majons da 70 – 80 m2 y suites da 200 m2 nianca sce i paia na strambaria. Al mont iel la gran pert dla jënt che viv tla ciarestia y propi suvënz per gauja di chisc ricons ora de mesura che ie nce a ce de conzernsc (Konzerne) che sfruta la jënt y revina la natura. Nëus speron che l Chemun de Sëlva s’ la pensà scialdi bën dan vënder l grunt de si zitadins per fé vel da detel tan ora de mesura y nce nia tl drë luech.
Lia per Natura y Usanzes